Wednesday, February 23, 2011

നീയും ഞാനും

നിര്‍ത്താതെ പെയ്യുന്നൊരു മഴയാണ് നീ
ഞാനാകട്ടെ തല കുനിച്ച്‌ മഴ കൊള്ളുന്നൊരു ഇലയും
ഓരോ മഴത്തുള്ളിയും ഞരമ്പുകളെ തുള്ളിച്ചു
ആത്മാവില്‍ പരക്കുന്നു!
സങ്കടങ്ങളൊക്കെയും പെരുംമഴയിലലിഞ്ഞു പോകുന്നു......
ഇനിയൊരുവേള ഞെട്ടറ്റു വീണാലും
കരയില്ല ഞാന്‍;
പിന്നെയും ഞാനൊഴുകി നീങ്ങുന്നതു,
നിന്നിലൂടാണല്ലോ!!
നമുക്കൊരുമിചൊരു
കടല്‍ തേടുകയുമാവാം.

Monday, January 10, 2011

നെറ്റിയിലെ ഒരുമ്മ

ഒരു പെണ്ണിനെ അറിയുന്നതെപ്പോഴും

നെറ്റിയില്‍ തുടങ്ങുന്ന ഒരു ഉമ്മയിലൂടെ ആയിരിക്കണം

ഇനി നിനക്ക് ഞാനുണ്ടെന്നു ആ ഉമ്മ പറയണം

കൈകള്‍ ചിത്ര ശലഭങ്ങള്‍ ആകുന്നതിനു മുന്‍പ്‌

ഒരു ഹൃദയ മിടുപ്പിന്റെ ദൂരം പോലും ഇല്ലാതാകുന്നതിനും മുന്‍പ്

നെറ്റിയിലെ ഉമ്മയിലൂടെ അവളെ സ്വന്തമാക്കണം

പെണണറിവ് പൂര്‍ണ്ണമാകുന്നതും നെറ്റിയിലെ ഉമ്മയിലാകണം

ഇനി നീ ഞാന്‍ തന്നെയെന്നു പറയുന്ന ഒരുമ്മ